投稿者：MinecraftSteveHK さん

中華人民共和國香港特別行政區區旗，係五星花蕊嘅洋紫荊花紅旗，用紅色做底色，中間有一朵五星花蕊嘅白色洋紫荊花圖案。底色用中華人民共和國國旗嘅紅色做標準，而洋紫荊花係香港嘅象徵。 香港特區區旗設計喺1990年2月16號定案，1990年4月4號喺第七屆全國人民代表大會第三次會議中通過，1996年8月10日由特區籌委會通過使用暫行辦法。1997年7月1號嘅香港主權移交典禮上，特區區旗第一次正式飄揚，取代主權移交以前用嘅香港旗。